Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 7 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hapdeng ka Lad mukhla ka la pynliem ia ka Maitchaphrang FC da 3-0 kol, ia ki kol kaba nyngkong ka Lad Mukhla la thep da u Edison Challam ha ka minit kaba 7, kaba ar da u Iohkmenlang Mukhim (own goal) ha ka minit kaba 23 bad kaba laid a u Phalangki Sumer ha ka minit kaba 57.
Ha ka jingiakhun kaba ar pat kaba la long hapdeng ka Laru SC pyrshah ia ka Moobakhon Tyllilang FC, ka jingialehkai ka la poi sha ka jingiakaid khlem da don ba ioh ban pynkhih jar ha kaba ka jingialeh ka la kut noh da 0-0 kol.
Katba ha ka jingiakhun kaba lai pat, ka Mainroad Nartiang SC ka la pynliem ia ka Umladang Shiparalok FC da 5-1 kol, ia ki kol na ka bynta ka Mainroad Nartiang SC, la thep da u
Ebanskhem Nongtdeh haduh saw tylli ki kol, kawei ha ka minit ba 13, ba ar ha minit kaba 21, balai ha ka minit ba 32 bad kaba saw ha ka minit kaba 65, katba ia kawei pat ka kol la thep da u Pele Dkhar ha ka minit kaba 35. Katba ia ka shi kol jong ka Umladang Shiparalok FC la ioh ban thep da u Ribha Myrboh ha ka minit kaba 68 jong ka jingialehkai.
Ka jingiakhun ka ban long ha ka 08.09.2026 pat kan dei ha ka por 10 am ka Thadmynri SC pyrshah ia ka Mukhla Nongrim, kaba ar ha ka por 12 pm hapdeng ka Niriang SC pyrshah ia ka Kremmyrsiang Youth Club SC bad ka jingiakhun kaba lai pat kan long ha ka por 2 pm hapdeng ka Tympang Club Iongchiwiat pyrshah ia ka Lumkynsaw SC.