Ka Jaiñtia National Council (JNC) Central Executive Committee haka kyrwoh na u President Rangbah jong ka u bah Sambormi Lyngdoh haba kren sha ki lad pathai khubor u la ong ba ka seng ka dap daka jingsngew lyngngoh ban pyntip sha phi u Paidbah, ba wat hadien baka sorkar jylla kala dep ban thung iaka fact finding committee bad ruh la dep ban pynbna daka status quo haka ba iadei bad ka public hearing Jong ka Shree Cement ha u Lum Syrman, Elaka Nongkhlieh ha East Jaiñtia Hills District ban bishar bniah iaki jingeh jong ki paidbah bad ka jingmih ki kynrum kynram haka to ka public hearing ka Shree cement, naka Liang ka sorkar kala thaw ia kane ka fact finding committee, hynrei naka Liang ka sorkar lyngba ki tnad treikam jong ka kim shym la sangeh satia hynrei ki kam ka Shree cement ki dang iai bteng.
Ka JNC ka kwah ban pynpaw ba ka seng ka sngewlyngngoh ban iohi ba wat hapdeng bala thaw ia kane ka committee bad la pynbna ruh iaka status quo hynrei ki kam ka Shree cement ki dang iaid shakhmat naka bynta ban ioh ia kata ka environmental clearance jong ka, dang ha kane ka 8 tarik u September naka liang ka State Level Expert Appraisal Committee SEAC ka la pdiang iaka jingkyrpad ka Shree cement kata ban wanrah haka meeting jong ka na ka bynta ban iakren bishar halor ban ai iaka Environmental Clearance iaka Shree cement ha u lum Syrman haka meeting ba 103 jong ka SEAC haka agenda ba hynñiew (7) Jong ka. Kane hi ka long kaei kaei kaba pynlyngngoh iaka seng.
Kane ka fact finding committee ka dei tang ka buit jong ka sorkar ban divert lane ban ialam bakla iaki nongshong shnong ka jylla, bad kane ka fact finding committee ka dei ka tactics jong ka sorkar ban ialam bakla iaki trai jaka bad iaki nongrep kiba don iaka hok ka jong ki ha uto u lum Syrman.
Ngi tip shai ruh ba kane ka committee kam iapher eiei bad kiwei ki Committee, namar haba don kino kino ki jingiakhih ban dawa ia kano kano naka bynta ka Ri bad ka jaidbynriew, hakaba kut hi ka sorkar ka thung iakita ki Committee, bad kine ki committee kim ju poi shano shano, hynrei kidei tang ki tactics Jong ka government ban delay, divert iaki issue. Haba phai shaka committee kaba ka sorkar ka thung (high level committee ) naka bynta ban pynkynriah iaki harijan na them metor ngi iohi ba haduh mynta kam pat wanrah ia u soh bad kam poi shaei shaei ruh, haba phai sha ka kam thungkam thungkam ka reservation policy ngi iohi ba kane ruh ka kut tang ha kata ka committee bad kam lah ban wanrah kaei kaei ruh naka bynta ka jingmyntoi u Paidbah.
Ha kane ka fact finding committee ruh jong ka Shree cement kan dei kajuh hi bad kata tang ban ialam bakla ia u paidbah bad ngi tip shai ba kan nym poi shaei shaei ruh.
Ngi dang shu iohi ba naka liang ka sorkar kala ong ba kane ka fact finding committee kala sdang treikam hynrei kaba pynlyngngoh pat iangi ba haduh mynta ngim pat iohi ba ka sorkar kala pynbna notification haka ba iadei bad ka rukom treikam jong ka, ki kyndon treikam jong ka, bad kumjuh iaki dkhot kane ka Committee bad haduh mynta ngim pat tip ia u khlieh jong kane ka Committee, bad haduh katno kane ka Committee kan bam por ban wanrah iaka bui report jong ka shaka sorkar halor kine ki jingjia hapoh East Jaiñtia Hills khamtam halor ka jingshah leh donbor iaki Paidbah bad iaki jaka puta jong ki, bad kane ka Committee ka dang long tang ka syrngiew bad ngim pat lah ban shaniah iaka.
Naliang ka JNC ngi kwah ban pyntip shaphi u Paidbah khamtam shaki nongshong shnong ka Ri Jaiñtia, khnang ba phin tip iaki jingmut bad jingthmu jong ka sorkar bad ym shah ialam bakla haki buit jong ka sorkar, bad kane ka fact finding committee kan nym lah ban shakri hok iaki jingeh jong ki Paidbah lada ki kam ki jam jong ka Shree cement ki kot ki sla lane ki paperwork jong ka ki dang iaid shakhmat namar kan myntoi aiu iaka ta ka fact finding committee ban tih bniah halor kato ka public hearing lada ka Shree cement ka ioh suk iaka environmental clearance namar ka public hearing hi ka dei thik naka bynta ka Environmental clearance bad ka CTE, kane ka mut ba lada ki kot ki sla ki iaid shakhmat ta kane ka fact finding committee kam don jingmut eiei bad kan dei hi tang ka tactics lane ka buit jong ka Sorkar ban delay iaka kam bad ngi naka liang ka JNC ngin sa shong pyrkhat halor kane ka kam buittuh jong ka sorkar bad ngin nang iai dawa haduh baki trai jaka bad ki nongrep kin ioh iaka hok jong ki, kane kadei ka khubor shaka sorkar bad shaki nongshong shnong ka jylla hi baroh kawei. Pynkut u President ka JNC.