Ka 1st Nongtalang Grassroots Football League (Under-13) 2026 kala poi sha kaba kut mynta ka sngi 11 tarik u Nailur, 2026 ha madan Seiñraij Nongtalang (Chui-radu) ha ka jingïakhun phainal hapdeng ka Nongtalang Chnongthmai Sports Club pyrshah ïa ka Amlariang Sports Club, ha kaba ka Nongtalang Chnongthmai SC kala pynliem ïaka Amlariang SC da 8-3 kol bad long syndon ka lahduh ha kane ka jingïalehkai.
Haba phai sha ka jingïalehkai kala long kaba itynnad shisha bad pynhun ïa ki nongpeitkai namar ka jingtbit ki nongïalehkai na baroh arliang bad kiba dang dei ki khynnah rit.
Ha shwa ban sam ïa ki khusnam sha ki nongjop la don ka jingïalang ba lyngkot ba la pynïaid da U bah Tennyson Rymbui uba dei u Convener jong kane ka League ha ryngkat ka jingïadon lang u samla Youdahunki Shylla uba dei ruh u General Secretary jong ka Seng Samla Khlachympa Sports and Cultural Club, u Waheh Shnong ka Nongtalang Khlachympa u bah Robert Lyngdohgiri, u bah Souvick Nonglamin u samla uba la pyndep ïaka License-D Coach napoh ka jylla Punjab.
Ha kane ka sngi ïa ka nam Promising player la ïoh da u Raplang Pohchen bad u Neymar Bareh, Youngest player da u Aimgrical Pohsnem, Player of Tournament da u Kenedy Bareh, Player of the match da u Francis Bareh, Best goalkeeper da u Rihok Pohlynjar, Top Scorer da u Meban Bareh, Discipline team la ïoh da ka Shongpdeng Sports Club bad ïa ka nam Tournament Referee da u Donbok Pohrmen.
Naka liang ka Committee kala khmih lynti haka League ka ban sa long ha u snem ban wan kan long kaba kham heh bad kaba dang itynnad shuh shuh.
