Ka jingïalehkai Semi Final jong ka kyrdan 2nd Division bad ka 3rd Division League Stage 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 11 tarik u Nailur, 2026 ha madan Artificial Ground Diengshynrum, Khliehriat.
Haba phai sha ka jingïakhun Semi Final jong ka kyrdan 2nd Division ka SWO Moosianglamare Old SC kala jop da shikol 1-0 ïaka Moolamanoh SC, ïa katei ka kol naka SWO Moosianglamare Old la thep da u Deilang Syrti haka minit ba 80+9 jong ka (Extra Time).
Katba haka jingïakhun Semi Final jong ka kyrdan 3rd Division ka Rymbai Pohskur SC kala jop da 3-1 kol ïaka Borghat SCSC, ïa kitei ki kol naka Rymbai Pohskur SC la thep da u Sanhame Bareh haka minit ba 22 bad u Dakner Dkhar haka minit ba 88 & 95. Ïa ka shikol naka Borghat SCSC la thep da u Laxmon Kympad haka minit ba 80+3.
Lyngba kane ka jingjop jong ki mynta ka sngi ki lah ïoh rung sha ka Final jong ka lympung ïalehkai 2nd Division & 3rd Division.