Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 11 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka United FC kala jop da 1-0 kol ïa ka Lumkhudung SC, ïa katei ka shikol na ka United FC la thep da u Benidict War haka minit ba 34.
Haka jingïakhun kaba ar ka Ryntih Mynsngat kala jop da 4-1 kol ïaka Mukhla Veterans, ïa ki kol na ka Ryntih Mynsngat la thep da u Elad Pale ha ka minit ba 3, 44 & 51 bad u Rimiky Mynsong haka minit ba 21. Ïa ka shikol na ka Mukhla Veterans la thep da u Armiky Pale haka minit ba 7.
Katba ha ka jingïakhun kaba lai ka Namdong Christian Club kala jop da shikol (1-0) ïaka Rakabah Hunlang FC, ïa katei ka kol na ka Namdong Christian Club la thep da u Wanpor Myria haka minit ba 32.
La pyntip ba ka jingïakhun lashai ka sngi 12/09/2026 haka por 9 baje mynstep ka Iawpynsin Wahiajer pyrshah ïaka Mukhla Mission, haka por 11 baje mynsngi ka Kdiap Rising Sun FC pyrshah ïaka Maskut.