Mynta ka sngi 23 tarik ka ophis jong ka Jaiñtia Hills Automous District Council (JHADC) lyngba Joint Secretary Executive Committee & Returning Officer, Dolloiship Election kala pynlong ïa ka jingjied Dolloi ha ki ar tylli ki Elaka kiba kynthup ïa ka Elaka Shangpung ba Elaka Nartiang bad kane ka jingjied Dolloi kala long kaba ïaid beit ïaid ryntih.
Ki paibah na baroh kitei ki ar Elaka kila mih shitrhem ban ïashim bynta ha kane ka jingjied Dolloi, na ka liang ka ophis kala pyntip ba ha kane ka 25 tarik mynta u bnai (Sngi Thohdieng) kan sa pynbna ïa ka kyrteng jong ki Dolloi kiba jop ha kane ka Election Dolloi 2022, ha Hostel MDC kaba don ha Riatsasim Jowai.