Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai ha u khniang jingpang COVID-19 (positive) ha ka jylla baroh kawei ki don 7 ngut, kiba la koit na ka jingpang ki don 6 ngut bad ym don ba khlad mynta ka sngi.
Haba lum jingkheiñ ia baroh kiba la ngat ha kane ka jingpang ki don 93,754, kiba la koit na kane ka jingpang ki don 92,110 ngut. Kiba dang long Positive haduh mynta ki don 51 ngut bad kiba khlad baroh naduh ba sdang haduh mynta ki long hi 1593 ngut.
Na Ri Lum Jaintia: Na East Jaintia Hills 2 ngut ba ngat thymmai mynta ka sngi, iwei i ba dang koit bad ym don ba khlad na kane ka jingpang. Na West Jaintia Hills don iwei ba ngat thymmai, 2 ngut ki ba koit bad ym don ba khlad mynta ka sngi.