Ka Chad Sukra jong ka Seiñ Raij Mukhla kaba la pynlong ha Madan Ei Iadaw Rong Mukhla hynnin ka sngi ka la long kaba iphuh iphieng
Ha kane ka Chad Sukra la wan plie burom da u ma Thombor Shiway CEM JHADC kum u kongsan ha ka jingiadonlang u ma Wailadmiki Shylla MLA ka thain bad kiwei de ki rangbah ba kynthup ia u Ailad Bhoi MDC Mukhla Wahiajer, Lakhon Dkhar MDC Khliehtyshi, Phasmoon Dkhar MDC Wapung Moosniang, Octomewot Lamin Nominated MDC. R. M Garod Pa Daloi Elaka Nangbah, Puramon Kynjing Pa Daloi Elaka Jowai, Deibormi Thubru Pator ka Raij Mukhla, Nirajan S Manar Vice President Seiñ Raij Shangpung, Wom Chyrmang President Seiñ Kyntu Seiñ Raij 12 Daloi kumjuh ki Sahep Sorkar na ka tnad PWD.
Ha kane ka sngi ha shwa ban sdang ia kane ka prokram la ioh shwa i ia ka nguh Blei da u Pa Langdoh ka Raij Mukhla u Waheh Wanbha Lyngdoh. La ioh ia ka pynher ia ka Lama ka Seiñ Raij Mukhla da u kongsan u CEM JHADC ma T. Shiwat.
U CEM ha ka jingkren ula pynpaw ka jingsngewnguh ia ka Seiñ Raij Mukhla kaba la ju pynlong ia kane ka Shad Sukra kaba shisien shi snem kum ka dak ban pynneh pynsah ia ka riti ka dustur jong ka jaitbynriew. Ula kyntu ia ki khun samla ka Raij ba kin wan shakhmat ban pyrshang bad hikai kumno ban tem ia ki ksing, ki harmoni, ki kornet bad kiwei de ki jingpung tynrai. Ula ong ruh ba na ka liang jong ka Council la ioh ruh ban iarap pisa ia ka Seiñ Raij Mukhla kumba T.1,00,000/- (Shi lak tyngka).
Na ka liang jong u ma Wailadmiki Sylla uba long ruh u Symbud Kongsan ula iaroh ia ka Seiñ Raij Mukhla kaba la pynlong ia kane ka Shad Sukra kaba jop bad kaba phuh ba phieng, ula khot la wer ia baroh ki khun ki hajar jong ka Seiñ Raij Mukhla ba kin iamih ban iashim bynta ha kum kane ka sngi.
Kiwei de kiba la ai jingkren ki kynthup ia u Stanbyme Sari, Auditor ka Seiñ Raij Mukhla, na ka kong Yoobha Sumer President Seiñ Manbei Seiñ Raij Mukhla, u Waheh Shnong Mukhla Nongrim ma Buhlut Suna, Waheh Shnong Mukhla Shohshrieh ma Airforce Suna, Waheh Shnong Mukhla Umlangshor ma Pynshai Shylla bad la ioh ruh ka jingpynhiar ia ka lama da u ma Octomewot Lamin MDC.
Ia ki kyntien ai khublei la da da ka Bei Langdoh ka kong Loosmina Lyngdoh. Ia kane ka Shad Sukra la wan ban sakhilang ruh da ki Waheh Shnong jong ki shnong ba marjan, kumjuh ki President bad Secretary jong ki Seiñ Raij bapher bapher.
