Ki Nongialam jong ka Shnong Thangskai mynta ka sngi 28/03/22 kila leit khang syndon ia ka jaka bret ñuit jong ka Company Dalmia kaba hap hapoh u pud u sam jong ka shnong, hadien ba ka shnong kala dep phah shithi sha ka kompany ban khang noh ia kine ki ñuit naduh u December 2021, hynrei kane ka company Dalmia kam suid ñiew ia ka jingkyrpad jong ka shnong la bun bun sien bad ruh ia kane ka juh hi ka kam ka shnong ka la dep ujor sha u Deputy Commissioner (DC) jong ka East jaintia Hills ha u bnai February 2022 hynrei na ka liang jong ka ophis jong u kam patiaw eiei ia kane ka kam.
Kumta na ka laing jong ki nongialam shnong kim banse ban khang ia katei ka jaka bret ñuit jong ka Company. Haba ki nongpyniaid shnong kila ioh ban ia kren bad katto katne ngut ki driver ki iathuh ba ia kine ki ñuit la kit naduh Guwahati, Mizoram, Agartala ter ter, kumta na ka liang ki nongialam shnong kila maham tyngeh ia ka Dalmia Cement bad ruh ia baroh ki Transport bad ki driver kali kit ñuit jong ka. Lada ka shnong ka dang lap nangne shakhmat kan sa leh da kaba tyngeh ia kane ka company iathuh ka kyrwoh bala phah da u ma Phaibiang Syrti, Waheh Shnong Thangskai.
