Ka West Jaiñtia District Sports Association (WJDSA) Jowai shi bynta na ka jingrakhe ïa ka jingdap 50 snem, mynta ka sngi 28 tarik ka la sdang ïa ka jingïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ha madan Kiang Nangbah Stadium Jowai.
Haba phai sha ka jingïakhun mynta ka sngi la wan ban aireng nyngkong hapdeng ka Chyrmang Wah pyrshah ïa ka Tympang, ha ka jingïakhun ka Chyrmang Wah kala jop da 5-0 kol. Ïa kitei ki kol na ka Chyrmang la thep da u Khainme Khlem haduh lai kol kata ha ka minit 15, 58 bad 80+1, u Niwan Syad ula thep shikol ha ka minit ba 24 bad u Arkiru Syad ha ka minit ba 48.
La shai ka sngi 29 tarik ka jingïakhun kan long hapdeng ka Mynso Blazon pyrshah ïa ka Mookaswan Dongneiñ ha ka por 11 baje mynstep, ka Newhills pyrshah ïa ka Catholic Youth Mihmyntdu ha ka por 1 baje nohphai sngi, katba ka Mulang Ialong kan ïakhun pyrshah ïa ka Pamanik ha ka por 3 baje nohphai sngi.