Ka jingiakhun “2nd U Adelbert Laloo Memorial Trophy” ha ka kyrdan 3rd Division Football Tournament 2022 ba pyniaid da ka West Jaiñtia District Sports Association (WJDSA) kala nang iaid shakhmat bad mynta ka sngi la ioh ban pyniakhun lai tylli ki Game ha madan Kiang Nangbah Stadium Jowai.
Ha ka jingiakhun jong ka game kaba nyngkong ka Nonglatem kala pynliem ia ka Chyrmang Wah da 1-0 kol. Ia ka kol jop la ioh ban thep da u Grouplang Suting ha ka minin kaba 25.
Ha ka jingiakhun kaba ar ka Risingsun Mukhla bad ka Mynso Blazon kila iakhaid da 1-1 kol. U nongthep kol jong ka Mynso Blazon u dei u Kermi O Sungoh uba la ioh ban thep kol ha ka minit kaba 62. Katba u nongthep kol jong ka Risingsun Mukhla u dei u Rimi Pyrtuh uba la ioh ban thep kol ha ka minit kaba 73.
Ha ka jingiakhun kaba lai ka Madankynsaw Mookyndeng kala pynliem ia ka Newhill da 1-0 kol. U Dangri Phawa ula long u nongthep kol jong ka Madankynsaw Mookyndeng uba la ioh ban thep kol ha ka minit kaba 80+.