Ka West Jaiñtia District Sports Association (WJDSA) mynta ka sngi kala iohlad biang ban pyniakhun haduh lai tylli ki Game na ka bynta jong ka jingïalehkai phutbol ba la tip kum ka “2nd U Adelbert Laloo Memorial Trophy” ha ka kyrdan 3rd Division Football Tournament 2022 ha madan Kiang Nangbah Stadium Jowai.
Ha ka jingiakhun jong ka game kaba nyngkong ka Madan Thadmuthlong kala pynliem ia ka Mulang Ialong da 2-0 kol. Ia kine ki ar tylli ki kol la ioh ban thep da u Precios Tang ha ka minit kaba 4 bad 39.
Ha ka jingiakhun kaba ar ka Maitchaphrang Mootyrchiah bad ka Ksehsylle Ialong kila iakhaid da 1-1 kol. U nongthep kol jong ka Maitchaphrang Mootyrchiah u dei u Sanborlang Tang uba la ioh ban thep ha ka minit kaba 12, katba u nongthep kol jong ka Ksehsylle Ialong u dei u Teimiki Lyngdoh uba la ioh thep kol ha ka minit kaba 29.
Ha ka jingiakhun kaba lai ka Lumkhangdong Kyndong Tuber bad ka Lymchyrmang Mihmyntdu ruh kila poi sha ka jingiakhaid kaba mar 0-0 kol.