Ka seng FKJGP-Khliehriat Circle hadien baka la iohsngew shibun ki jingud na u paidbah ka thaiñ haba iadei bad ka jingiadei kam ki paidbah bad ka office jong ka Meghalaya Power Distribution Corporations Limited (MEPDCL), Mowakhu East Jaintia, ka seng mar mar kala leit ban iakynduh ia u SDO bad ia u EE katei ka office khnang ban ioh pynsngew ia kitei ki jingeh ki paidbah hynrei sngewsih ba kitei ki arngut ki officer kim wan office ha katei ka sngi.
Haba ka seng ka pyrshang kylli na ki staff, ki ong ba ki leit sha side, kane kadei kawei na ki jingeh kiba ki paidbah ki juh iakynduh barabor bad katei ka office, bunsien hi haba ki paidbah ki kwah ban ia kynduh ia ki heh ha katei ka office barabor hi kim juh wan office bad lada ki wan ruh ki wan ha ka por 12 baje teng teng 1baje bad leit phai 2 baje bad haba pyrshang kylli na ki staff ruh la ioh sngew beit ia ka kyntien ba ki leit sha side. Haba kumne ka jingeh kala ap shwa ia u duk u suk namar ha ka jinglut jingsep ha ka leit ka wan tang namar i kam barit bad sa kawei ki paidbah ki ia kynduh jingeh ha ka por ba siew ia ka bai bording namar ba ki paidbah ki hap ban shah ia u slap ka lyer bad ka sngi namarba katei ka office kam treh ban satap tin ia ka jaka ba ki paidbah ki ieng lain ha ka por ba siew ia ka bai bording bad na ka liang jong ka seng ka dawa ia katei ka office ban pynbha ia katei ka jaka siew bai bording bad ban shakri hok ia ki paidbah. Ka seng kala ong ba ia kitei ki ophisar la siew tulop na ka bynta ban ai ka jingshakri sha u paidbah pynkut ka kyrwoh na u President ka seng FKJGP Khliehriat Circle u Michal Chyrmang.