Jowai: Ka Joint Action Committe (JAC) Ri-loom Jaintia ka ba kynthup ia ka All Jaintia Commercial Vehicles Association (AJCVA), Ri-loom Jaintia Traders Association (RJTA), Hynniewtrep National people’s Federation west Jaintia Hills District (HNPF), Jaintia Youth Federation (JYF), Meghalaya People’s United Front (MPUF) mynta ka sngi ka 28/8/2021 ki Nongialam jong ka ki la leit ban ia kynduh ia ka ïng ka sem jong u bah (L) Cherishterfield Thangkiew ha Mawlai Kynton Massar, Shillong.
Haba ia kynduh bad kiba ha ïing u (L) Cherishterfield Thangkiew , ka JAC ka la ia kren sani bha bad ki bad na ka liang jong ka ïing ka la kren shai ba na ka liang jong ki kin iaid beit sha khmat ha ka ban ioh ia ka hok na ka bynta i bah Che bad na ka ïng ka la kular ruh ban iatreilang bad kino kino ki seng ba trei na ka bynta ka imlang sah lang khamtam na ka bynta ban pynioh ia ka hok ia i (L) bah Che.
Khadduh eh na ka liang ka JAC ka la synniang da ka song pisa sha ka ïng jong i (L) Cherishterfield wat la ka long ka jingai ka ba rit ruh bad la ioh ia ka jingkren lyngkot na i rangbah Paila kordor Lyngkot, la ioh ruh ka jingkren na u President ka JYF u rangbah Ombormi L Tariang, bad kumjuh na u President ka MPUF u rangbah Dapoiwanmi Laloo ha kaba ka JAC ruh da ka wei ka sur ka la rai ban iatrei lang bad ka ïng bad kumjuh ruh bad ka sur ki nong Mawlai hi baroh kawei, pynkut ka khyrwoh na ka JAC Ri-Loom Jaintia.
