Ka Iooksi YW, Shangpung Khliehmuchut bad Mawsiang FC Nongkhroh kila long ki nongjop ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Ha ka jingiakhun kaba nyngkong ka Iooksi Youth Welfare ka la pynliem ia ka Khliehshnong Ialong da 3-1 kol. Ki nongthep kol jong ka Iooksi YW ki long u Ngaitmi Syngkon uba la ioh thep kol ha ka minit kaba 13, u Tympang Tangliang ha ka minit kaba 79 bad u Khadduh Tangliang ha ka minit kaba 80+1. Katba u nongthep kol jong ka Khliehshnong Ialong u dei u Simlut Dhar uba la ioh thep kol ha ka minit kaba 57.
Ha ka jingiakhun kaba ar ka Shangpung Khliehmuchut ka la pynliem ia ka Lumkhangdong Kyndong Tuber da 4-0 kol. Ki nongthep kol jong ka Shangpung Khliehmuchut ki dei u Sanki Langstang ha ka minit kaba 3, u Rangdajied Sayoo ha ka minit kaba 10 bad u Bashan Iakai u la ioh ban thep ar kol ha ka minit kaba 70 bad 80+1.
Ha ka jingiakhun kaba lai ka Mawsiang FC Nongkhroh kala pynliem ia ka Myrjai da 1-0 kol, lyngba ka kol ba la ioh ban thep da u Rio Marboh ha ka minit ka ba 59.