Mynta ka sngi ka Village Organization Priang ha ryngkat ka KSU Priang Unit ki la pynlong ia ka awareness programme halor ka phang shongkha dang khynnah ne ka ‘child marriage’ ha ka shnong Priang.
Ha kane ka sngi la iadon lang ruh u officer in-charge jong ka Saphai Out Post lem bad u Doctor in-charge jong ka Iooksi PHC ka ba don ha shnong Priang. Ia ka program la pyniaid da i kong E. Sajem iba dei i President jong ka VO Priang. La ioh ia ka jingkren pdiang da i President jong ka ksu Priang Unit samla B. Sohtun.
Ha kane ka program na ka liang u OC Saphai Out Post u la ai ka jingkren da ki kyntien sneng ki ba ia dei bad ka aiñ bad u la maham ruh ba lada shongkha dang khynnah lah ban ngat ha ki kyndon ain bapher bapher kum ha ka Pacso act. La ioh ruh ia ka jingkren na u Asst General Secretary ka KSU WJHDU samla Balawantei Suchiang uba la bynrap ba ym slem shuh ka seng kan sa phah jingthoh sha ki bor jong ka aiñ ba lada u ne ka ba shong kha hapoh jong ka rta ba yn ym lah ban pdiang ne iahap na ki bor jong ka sorkar.
Na ka liang u Dr in-charge jong ka PHC Iooksi, Dr. S. Nartiang u la batai bniah bha ia ki nongshongshnong ha kaba iadei bad shongkha dang khynnah u ong ruh ba lada shongkha dang rit yn saduh noh ia ka jingkoit jingkhiah ka ba paka bad yn sa duh shibun ki myntoi bad u la bynrap ruh ba ka shongkha danng rit kan ktah ruh ia ka imlang sahlang. Ha kane ka jingialang la don ruh u Waheh Shnong ka Priang bad la pynphuh pynphieng ha kane ka sngi da ki jingshat tynrai bad ka drama lyngkot na ki dkhot jong ka VO Priang.
