Mynta ka sngi ka ophis jong u District Medical and Health Officer, East Jaintia Hills District, Khliehriat kala ioh ban pynlong ia ka Block Level Health Mela ha shnong Saipung ha Saipung PHC kaba hap hapoh ka Saipung C&RD Block.
Ka jingpynlong ia kane ka Health Mela ka long ruh shi bynta ban rakhe burom ia ka jingioh laidluid ka ri India (“Azadi ka Amrit Mahotsav”). U ma Arbor Hima Darnei uba dei u MDC ka thain ula long u kongsan. Kiwei de kiba iadon lang ha kane ka Mela ki kynthup ia u Dr. Dominic Shylla, District Medical and Health Officer, East Jaintia Hills District, Khliehriat Dr. R. Pyrtuh, Block Development Officer, Saipung C&RD Block, Dr. (Mrs) N.P. Suchiang, District Immunization Officer I/c, East Jaintia Hills District, Dr. W. Bamon, Sub-Divisional Medical and Health Officer, East Jaintia Hills District, Khliehriat, Dr. K. War Laithma, ONG Gynaecologist bad Dr. N. Dhar, Dental Surgeon, Sutnga CHC.
Ha kane ka sngi kila don haduh 630 ngut ki briew kiba la ioh jingmyntoi na kane ka Health Mela. Kala don ruh ka jingiapylliew jingmut hapdeng ki briew jong ka tnad ka koit ka khiah bad ki khynnah skul.
