La jied ruh ia ki nongkitkam thymmai ka seng na ka bynta u snem 2021-2023
Jowai: Ka MYNTDU PYNTHOR NEIÑ FARMER WELFARE & PRODUCER ORGANISATION (MPNFW&PO), ka la pyllong ia ka dorbar paidbah ha ka 28/08/2021 ha Myntdu Pynthorneiñ, na ka bynta ban pythymmai ia ki nong kit kam na ka bynta u snem 2021-2023 bad na ka bynta ban pynkhlaiñ shuh shuh ia ka rep ka riang ha Myntdu Pynthorneiñ baroh kawei, kaba dei ka pliang Ja jong ki Jwai, ki Khliehtyrchi bad ki Mihmyntdu.
Ki nongkitkam kiba la jied thymmai ki long:-
(1) u PYNSHNGAIÑ RYMBAI President, (2) u JUR BHA PHAWA Vice President, (3) u PYNTNGEN KYNDAIT General Secretary, (4) u MEHI PHAWA Asstt Genl Secy (5) KA KONG CHALTY RYMBAI Treasurer (7) u Khroo L Pariat Adviser. La jied ruh 16 ngut ki nongrep bad trai lyngkha, kynthup ia ki kynthei bad shynrang kum ki dkhot ka Executive Committee.
Khyndiat shaphang ki jingtreikam jong ka seng ha kine ki lai snem ba la dep ka la ioh ban sam ia u symbai kba uba la tip kim u CAU R-1 sha ki 117 ngut ki nongrep kba ha Myntdu Pynthorneiñ, Myntdu Pynthorwah bad sha ki nongrep ha ki lyngkha ha shnong Mukhla, uba la khmihlynti ba ha aiom thung ban wan yn pynroi shuh shuh ia une u symbai sha kiwei de ki nongrep Kba, ia une u Kba symbai la ai da ka Central Agriculture University lyngba ka college of Agricultural and post graduation studies, Umroi Ri bhoi District.
Ha une u snem 2021 ki nongrep ha Myntdu Pynthorneiñ, ki la sdang ban rep ia u Kba bad ki dohkha ha kawei ka lyngkha bad ha une u snem ban wan 2022 kin pynshlur ia ki para nongrep ban sdang rep ia kane ka rukom rep ‘u Kba bad Dohkha’. Ka seng na ka bynta ban pynim shuh shuh ia ki nongrep lyngba ka lad kamai pisa, kan sdang ban rep ia ki jhur tlang ha ki lyngkha mar syndep ban ot ia u Kba.
Ha ka jingialeh ka jong ka seng ban pynim pynbha ia ka Wah Myntdu bad ia ka Pynthorneiñ baroh kawei, ka seng ka la dep ban ai jingthoh ha u Deputy Commissioner West Jaiñtia Hills District bad sha u Divisional Soil & Conservation officer (T) WJH District, na ka bynta ban iarap ia ki nongrep ban shna pynbha ia ki tyllong Um kiba bsa um ia ka Myntdu Pynthorneiñ baroh kawei bad khamtam ia ka Wah Myntdu.