Ka seng Hynniewtrep Integrated Territorial Organisation (HITO) Mobakhon Area hapoh ka jingialam u President u samla Poibha Suiam ha ka jingiadon lang u samla Mai Passah Organising Secretary HITO Jaintia Hills, mynta ka sngi ki la leit ban ai daka jingujor ha u Sub-Division Officer MeECL Khliehtyrshi, West Jaintia Hills District, halor ka jingbym skhem shuh ki nar post bording kiba don ha ka shnong Mobakhon.
Katkum katei ka jingujor la pynpaw ba kane ka jingsynjor jong kitei ki post bording ka dei na ka jinglynshop ki bor mariang ha kine ki khyndiat sngi. Kane ka jinglong jingman jong kine ki post elektrik kala buh jingma shi katdei ia ki paitbah nongshong shnong bad ka lah ban wanrah ia ka jingjia ba sngewsih lada ki bor jong ka MeECL kim kloi ban maramot ne pynskhem ia ki.
Kumta ka seng ka kyntu jur ia ka MeECL ba kan leh noh ia kaba donkam kloi katba lah khnang ba lait na kino kino ki jingjia ba sngewsih ia ki nongshong shnogn ka Mobakon.