Ka Seng Jaiñtia Students’Movement Eastern Region (JSM-ER) hadien ba ka la ioh jingtip ba ka MeECL kan iaid shakhmat ban pyntreikam ia u Smart Meter lyngba ka Company Satnam Global Project Infra Ltd. ha East Jaiñtia Hills District kumta ka la leit ai da ka jingthoh sha u Deputy Commissioner, EJH bad sha u Executive Engineer MeECL, Moowakhu East Jaiñtia Hills ban pynsngew ia ka jingpyrshah jong ki halor kane.
Ka seng ka pynpaw ba lyngba kane ka jingthmu ban pyntreikam ia u Smart Meter bathymmai ha baroh ka District khlem da pynsngew thuh paidbah ka lah ban wanrah ia ka jingeh bad jingkhuslai shikatdei halor ka rukom kheiñ ia ka bai bording ia ki paidbah jong ka kiba pyndonkam bording electric ha kaba bun hi dei ki ba im tang ha ka rep bad trei bylla sngi. La sakhi ruh ba tang ia ka System ba mynta ka tnat MeECL ka khlem lah ban pyntreikam bha halor ka rukom kheiñ bad kiew ka bai thang bording, te lada pyntreikam lei ia u Smart Meter ka ba dang thymmai ha ka ba ym lah ban bud ia ka System thymmai la sngewthuh kan buh ka jingeh ba khraw ia ki paidbah.
Kumta ka Seng ka la pyrshah jur ban pyntreikam ia u Smart Meter hapoh ka District tad haduh ba la dep ban pynsngew thuh paidbah sha baroh ki Nongshong Shnong. Kane ka long katkum ka kyrwooh na u President JSM- Eastern Region Samla Wellson R. D Siangshai.