Ka Lumkhangdong Kyndongtuber bad ka Saindur Mihmyntdu kila poi sha ka jingiakhiad, katba ka Iong I dahi FC bad ka Maitshaphrang Mootyrchiah kila long ki nongjop ha ka jingialehkai 3rd Division jong ka ‘2nd U Adelbert Laloo Memorial Trophy’ ba la pyniaid da ka West Jaiñtia District Sports Association (WJDSA) mynta ka sngi, ha Kiang Nangbah Stadium Jowai.
Ha ka jingiakhun ba nyngkong hapdeng ka Lumkhangdong Kyndongtuber pyrshah ia ka Saindur Mihmyntdu kila poi sha ka jingiakhaid da 3-3 kol.
Ki nongthep kol jong ka ka Lumkhangdong Kyndongtuber ki dei u Rikermi Phawa uba la iohthep kol ha ka minit kaba 30, u Hailan Shylla ha ka minit kaba 69 bad u Request Shylla ha ka minit kaba 70.
Ki nongthep kol jong ka Saindur Mihmyntdu pat ki dei u Chanmiki Chyrmang uba la ioh thep kol ha ka minit kaba 22 bad u Dapmain Phawa ula ioh ban thep ar kol ha ka minit kaba 45 bad 56.
Ha ka jingïakhun ba ar ka Iong I dahi FC kala pynliem ia ka Myrjai da 2-1 kol.
Ki nongthep kol jong ka Iong I dahi ki dei u Iolang Sana uba la ioh ban thep baroh ar ki kol ha ka minit kaba 65 bad 79. Katba ka Myrjai ka la thep ha ka minit kaba 77.
Katba ha ka jingiakhun kaba lai ka Maitshaphrang Mootyrchiah kala pynliem da kaba suk ia ka Khliehmyntdu Neinchnong da kaba ioh thep kol haduh 9-1 kol.
Ki nongthep kol jong ka Maitshaphrang Mootyrchiah ki dei u Sanborlang tang uba la ioh thep kol ha ka minit kaba 2, u Rangdaman Laloo ha ka minit kaba 13, u kitlang Lathong ha ka minit kaba 23, katba u Risanlang Dkhar ula ioh ban thep marwei haduh 6 kol kata ha ka minit kaba 33, 54, 68, 70, 72 bad 77 min.
U nongthepkol jong ka Khliehmyntdu Neinchnong u dei u Monlang Kyndait uba la ioh ban thep kol ha ka minit kaba 31.