Mynta ka sngi ka seng Hynniewtrep Integrated Teritorrial Organisation (HITO) Jaintia Hills, hadien ba la kut ka jingaipor ia ka ophis jong ka company Jio ban pynbiang ia ka jingtreikam jong ki network, hynrei kane ka ophis kam lah ban pynbiang haduh mynta ka sngi kumta ka seng kala leit mih sha katei ka ophis bad khang tala syndon ia ka ophis treikam jong ka ba don ha Ladthalaboh Jowai.
Ia kane ka kynhun la ialam da u President ka seng u Lawyerson War bad u Iomiki Passah. Kine ki nongialam kila iathuh ba na ka liang jong ka seng kala maham tyngeh ia kane ka company namar ka jingbym shim khia jong ka ia ka jingud jingnam jong ki paidbah halor ka jingduna palat ka network jong ka.
Kumta na ka liang ka HITO ha kine ki sngi ban wan kan sa leit ban khanglut ia baroh ki tower jong kane ka company wat la ki long kiba dang treikam ne kiba dang shna thymmai ruh tad haduh ba kan da lah ban pynbiang ia ka network jong ka.