Ka Madankynsaw Mookyndeng bad ka Mookyrdup ki la ioh ban rung sha ka thup jong ka Quarter Final hadien ba kila long ki nongjop ha ka jingialehkai (Pre Quarter) jong ka 2nd Adelbert Laloo Memorial Trophy ha ka 3rd Division Tournament bala pyniaid da ka WJDSA mynta ka sngi ha madan ialehkai Kiang Nangbah Stadium, Jowai.
Ha ka jingialehkai kaba nyngkong ka Mookyndeng kala pynliem ia ka Lumbhahdakha Wahiajer da 2-1 kol. Ki nongthepkol jong ka Madankynsaw Mookyndeng ki dei u Ferdinand Sayoo uba la ioh ban thep kol ha ka minit kaba 12 bad u Dangri Phawa uba ioh ban thep kol ha ka minit kaba 77. Katba u Gideon Mukhim jong ka Lumbhahdakha Wahiajer ula ioh ban thep kol ha ka minit kaba 43.
Ha ka jingialehkai kaba ar pat ka Mookyrdup kala pynliem ia ka Thadmuthlong lyngba ka Tie breaker da 6-5 kol.
Hapoh ka por jong ka jingiakhun kine ki ar kynhun kila ioh ban thep mar shi kol (1-1). U nongthep kol jong ka Mookyrdup u dei u Nicky Boy Swer uba la ioh ban thep kol ha ka minit kaba 19. Katba u nongthep kol jong ka Madan Thadmuthlong u dei u Pyniaid Tang uba la ioh ban thep kol ha ka minit kaba 26.