Ki rang bad ki thei ialehkai Boxing jong ka West Jaintia Boxing Association (WJBA) kila ioh ban rah burom ialade bad ia ka District hi baroh kawei ha kaba kila don haduh 4 ngut kiba la ioh ban khur ia ki takma Ksiar bad 4 ngut kiwei pat kila ioh ban khur ia ka takma Rnong ha ka jingialehkai Final Boxing jong ka Meghalaya Games 2022 kaba la long mynta ka sngi ha NEHU, Shillong.
Napdeng kiba la ioh khur ia ki takma Ksiar ki kynthup ia u Badonkupar Synnah ha ka bynta jong ka 60 kg, u Baiamutlang Sungoh ha ka 63.5 kg, u Bhalang Chadap ha ka 67 kg, bad ka Tredicia Lamare ha ka 54 kg.
Ki 4 ngut kiba khur ia ki takma Rnong ki kynthup ia u Winner Talang ha ka 63.5 kg, u Defend Lamare ha ka 67 kg, ka Emonida Chympa ha ka 54 kg bad ka Rininiawki Suchiang ha ka 52 kg.
Kuban shu pynkynmaw ba ia kane ka kynhun jong ki 16 ngut ki nongialehkai la ialam da u ma Wanbait Ksoo kum u Team Manger bad u Wanchandame Lamare kum u Team Coach.