Ka Mawsiang FC bad ka Pasyih Cultural Sports Club ki la ioh ban rung sha ka thup jong ka Quarter Final hadien ba kila long ki nongjop ha ka jingialehkai (Pre Quarter) jong ka 2nd Adelbert Laloo Memorial Trophy ha ka 3rd Division Tournament bala pyniaid da ka WJDSA hynnin (7.5.22) ka sngi ha madan ialehkai Kiang Nangbah Stadium, Jowai
Ha ka jingialehkai kaba nyngkong ka Mawsiang FC kala pynliem ia ka Lumchyrmang Mihmyntdu da 2-1 kol.
Ki nongthep kol jong ka Lumchyrmang Mihmyntdu Mawsiang FC ki dei u William Rymbai uba la ioh ban thep kol ha ka minit kaba 7. Katba ki nongthep kol jong ka Mawsiang FC ki dei u Snowel Kharsati uba la ioh thep kol ha ka minit kaba 13 bad u Rio Myrboh uba la ioh thep kol ha ka minit kaba 65.
Ha ka jingialehkai kaba ar ka Pasyih CSC kala pynliem ia ka Pateinki Sabah da 2-0 kol. Ki nongthep kol ki dei u Shiningstar Rymbai ha ka minit kaba 64 bad u Phem Dkhar ha ka minit kaba 79.