Ka Don Bosco Youth Centre, hynnin ka sngi ka la pynlong ia ka Career Expo 2022 na ka bynta ki samla kiba dang shu pyndep ia ka Examination jong ka Class X bad ka XII hynnin ka sngi (7.5.2022) ha Cilia Memorial Hall.
Ka jingthmu jong kane ka prokram ka long ban ai jingmut bad hikai ia ki samla kumno ba kin jied ia ki jingpule jong ki na ka bynta ki kyrdan kiba shakhmat ban long ka jingmyntoi ia ka lawei jong ki.
Ki nongai jinghikai ha kane ka prokram ki kynthup ia u Tosanbha Marwein MCS, Executive Magistrate and Extra Assistant Commissioner, u Br. William na St. Edmunds, ka Susana Khongwir, u Fr. Michael Makri ba dei u Director jong ka DBYC.
Ha kane ka prokram la wan ban iashim bynta haduh 200 ngut ei ei ki samla.
Ki nongkren ha kane ka sngi kiba ia u Tosanbha Marwein uba la ai ka jingkyntu ia ki samla bad pynshlur ia ki samla bad ong ba kim dei ban iehnoh shiteng por ia kano kano ka jingthmu ha ka jingim jong ki, hynrei ki dei ban ialeh katba lah ban kynjoh sha ka thong kaba kila thmu ha ka jingim jong ki.
U Brother William ula ai ia ka jingsneng jingkyntu ha ka jingim mynsiem kaba iadei bad ka jingtip ia u Blei ha ka jingim kum ki samla. Ka Susana Khongwir kala ai jingmut ia ki samla ban jied ia ka lawei da kaba pyndonkam da kata ka SOWT analysis. Katba u Fr. Michael ula ai jinghikai halor ki 6 tylli ki poin kumno ban jied ia ka lawei jong ki samla. Haba kren sha ki lad pathai khubor hadien ba wai kane ka prokram kine ki samla kila pynpaw ba kane ka prokram ka long kaba ai jingmyntoi shibun ia ki bad ki khmih lynti ruh ba kum kine ki jait prokram dei ban pynlong ha ki por ban wan ruh khnang ba kan pynmyntoi ia ki khun samla.