Ki san ngut ki samla ba dei shiparalok na ka Shnong Mukhla, West Jaintia Hills District, hadien ka jing pyrkhat jngai bad iohi ruh ia ka jingduna ki dohkha ha ka wah Myntang na ka daw ka jingpynjulor ka bor mariang ha kine ki snem bala dep ki la rai da kawei ka jingmut ban pyllait da ki dohkha symbai ha kane ka wah kaba hap ha ki bynta jong ka Shnong Mukhla, na ka bynta ban pynroi biang ia ka jingdon jong ki dohkha ha kane ka wah.
Kumta hynne ka sngi 09.05.2022, kine samla ki la leit ban pynllait haduh saw hajar tylli ki dohkah symbai ha kawei na ki thwei jong kane ka wah kaba kaba tip ka Wah Iengkein.
Na ka liang u samla Pynbiang Rymbai, u la pynpaw ka jingbynñiaw ia ka jing jakhlia jong ki wah kiba don ha rilum Jaintia bad ki ba la ring sdot katba dang mih ki sngi ki por kumta u la kyrpad ia ki paidbah jong ka rilum Jaintia ban long kiba sumar ia ki um ki wah namar ki long ki ba ai jingmyntoi ia ki ba bun ba lang ha ki rukum bapher bapher kum ha kaba bsa ia ki um bam umdih bad kumjuh ruh ki dohum dohwah kin neh ban shong lada ki um ki wah ki long kiba khuid ba suba.
Ula ong shuh shuh ba ki dohkha ki long ki jingbam ba kyrpang jong u briew, hynrei kam dei pat ban pyniap dusmom ia ki da kaba ber dawai bad kiwei de ki jingpynjot ia ki dohum.
Na ka liang kine ki samla ki la buh ruh ka jingkyntu ia ki paidbah ba kim bit ban leh pathar ia ki doh um khamtam ha katei ka jaka ne ka thwei ha Myntang (Mukhla) kaba khot ka wah Iengkeiñ kaba kila pynllait ruh iaki dohkha symbai mynta ka sngi, ha kane ka thwei la mana ruh da ka Fishing Association jong ka shnong Mukhla, ia kiba shim kabu kiba juh mlien ban ai ne ber daki dawai bih, ne pyndonkam jar, lada lap ia kum kine ki briew yn pynshitom, ha kane jingpyllait dohkha ladon lang ruh u samla Donlad Shylla, bah K. Bhoi, bah Jameris Lyngdoh bad Tiwan Lyngdoh ki ba long ruh ki briew ki ba juh don ha ki programe pynneh pynsah mariang bapher bapher.