Ka kaiphod sorkar mynta ka sngi ka iathuh ba hapoh ki 24 kynta don tang iwei iba ngat thymmai ha u khniang jingpang Covid-19 bad ine iba ngat i dei na East Khasi Hills District.
Katkum ka kaiphod la iathuh ba hapoh kine ki 24 kynta ym don koit na ka jingpang ne kiba khlad. Kiba dang don ia u khniang jingpang ki don 12 ngut, na kine 8 ngut ki dei na Ri Bhoi, 2 ngut na East Khasi Hills, mar iwei na East Jaintia bad West Garo Hills. Kiba hap ban leit thiah ha ki Hospital ki don tang 2 iwei na East Khasi Hills bad iwei na Ri Bhoi.
Haba shim kyllum naduh ba sdang haduh mynta ki briew kiba la ngat ha kane ka khlam (Covid-19 Positive) ki don 93,812 ngut, kiba la khlad na kane ka jingpang ki don 1593 ngut, kiba la koit na ka jingpang ki don 92,207 ngut.