Ka Ministry ofHome Affairs, jong ka sorkar India kala thaw ia ka jingaikhusnam ia kaba la tip kum ka “Jeevan Raksha Padak Series of Awards, 2022” na ka bynta kino kino ki kam riewshlur kiba iadei bad jingpyllait im ia ki briew na kino kino ki jingma, kiba kynthup ia ka jingshah rong ha ka um, ka jingjia takhuh kali, ka jingpluh ding, ka jingshah ring ha ka bor ding elektrik, ka jingbtuit khyndew, ka jingshah pynmynsaw ha ki mrad, ka jingpyllait ia ki briew na ki jaka trei ha ki par bapher bapher bad kiwei de.
Ia kane ka khusnam yn sam ne ai ha ki lai bynta kaba nyngkong ka dei ka Sarvottam Jeevan Raksha Padak kaba ar ka dei ka Uttam Jeevan Raksha Padak bad kaba lai ka dei ka Jeevan Raksha Padak.
Kino kino kiba don bynta ha kano kano ka rukom pyllait im ki lah ban phah ia kyrteng bad ki kam ba kila leh jong ki sha ka ophis jong ka Deputy Commissioner, East Khasi Hills District, Shillong na ka bynta ban jurip bniah.
Ia ka jingtip ba khambniah lah ban shim na ka website jong ka District.