Ha kine ki dur ka paw shai ba kine ki nongdie jingdie ha Iawmusiang, Jowai ki shim ba tang ban biang ialade kim salia lada jia kano kano ka jingjia ba sngewsih ia ki nongleit nongwan kiba la duh ban pyndonkam ia ki lynti iaid kjat.
Dang ha kine ki khyndiat por la iohi ba ka jingtreishitom jong ka Dorbar Shnong Tympang Iawmusiang bad ki bor District kila lah ban pynduh ia ki nongdie jingdie kiba shait mlien ban shong ha ki Footpath, hynrei mynta ka sngi pat la iohi ba kine ki riew shim kabu kila sdang biang kiwei hadien kiwei ban leh ia kane kajuh shi kajuh ka kam beaiñ.
La iohi ba ia kitei ki Footpath la shongdie biang da ki katto katne ki nongdie, kaba la pynlong ia ki nongleit nongwan khamtam kiba pli ki khynnah skul kiba la hap ban iaid napdeng surok bah. Kane ka jingshahknieh ki lynti iaidkjat ha kine ki nongdie jingdie ka shait wanrah ka jingma bad jingmynsaw ia kiba bun ki briew ha shilynter jong u surok ha Iawmusiang ha kine ki por bala dep.
Kumta ki bor ba dei peit kila dei ban shimkhia halor kane bad ruh kitei ki nongshongdie ki dei ban don ka mynsiem iatiplem, hashwa ban jia kano kano ka jingjia ba sngewsih ia ki paidbah nongleit nongwan.
