Ka Meghalaya Bharat Scouts and Guides ka la pynlong ia ka prokram ba shisngi halor ka phang “Group Leader’s Meet” mynta ka sngi ha Auditorium jong ka Meghalaya Bharat Scouts and Guides, State Headquarters, ha nongbah Shillong.
Ha kane ka sngi i Deputy Commissioner ka East Khasi Hills i kong Isawanda Laloo ila long i kongsan. Haba ai jingkren ila ai ka jingiaroh ia ki nongialam jong ka Meghalaya Bharat Scouts & Guides kiba la shim khia ban pynlong ia kum kane ka prokram kaba dei na kiwei ki bynta ba kongsan ha ka imlang sahlang.
Ha kane ka prokram la wan ban iashim bynta haduh 180 ngut ki khlieh jong ki tnad treikam bapher bapher kiba don hapoh ka East Khasi Hills.
