Ka lympung ialehkai 3rd Division jong ka 2nd Adelbert Laloo Memorial Trophy ba la pyniaid da ka West Jaintia District Sports Association (WJDSA) mynta kala poi sha ka Semi Final bad mynta ka sngi ia ka Semi Final ba nyngkong la iakhun hapdeng ka Maitchaphrang Mootyrshiah bad ka Madankynsaw Mookyndeng.
Ha kane ka jingiakhun ka Maitchaphrang Mootyrchiah kala lah ban pynliem ia ka Madankynsaw Mookyndeng da 2-1 kol. Lyngba kane ka jingjop kala pynlong ia ka Maitchaphrang Mootyrchiah ban ioh rung sha ka Final.
Ki nongthep kol jong ka Maitchaphrang Mootyrchiah ki kynthup ia u Raymon Sten uba la ioh ban thep kol ha ka minit kaba 13 bad u Leibor Ymbon ula ioh ban thep kol ha ka minita kaba 79.
U nongthep kol jong ka Madankynsaw Mookyndeng u dei u Joby Jose Dkhar ha ka minita kaba 36.