Ha ka 21 tarik u May 2022 ka Khasi Students Union (KSU) kala ioh biang ban pynkha sa kawei ka shnat treikam ha ka shnong Madanrwai kaba tip kum ka KSU Madanrwai Unit kaba hap hapoh ka jingpeit jong ka KSU Laskein Circle.
Hakane ka sngi la donlang ki nongialam na ka CEC Samla Rueben Najir ba bat kum i Assistant Education Secretary ka Sengkmie, Samla Shinningstar Kharbihkhiew Assistant Education Secretary sengkmie kiba dei ruh ki nongpeit nongkhmih ia ka KSU West bad East Jaintia Hills District Units.
Ia ka meeting pynskem nongkitkam la pyniaid da u Samla Ewanmi phawa ba long kum i Organising Secretary KSU WJHDU, la ioh jingkren na i Samla Balawantei Suchiang Assistant G.S KSU WJHDU i ong ‘Ka KSU kamdei ka seng kaba lah ban ai scheme ne ban wanrah ia ka roi ka par, hynrei kalong kum ka jingkieng na ka bynta ban wanrah ka jingmyntoi ne ka scheme na ka office jong ka sorkar, la ioh jingkren ruh na i Samla Wanshan Laloo Assistant Discipline Secretary KSU WJHDU, la ioh jingkren ruh na i Samla Leningrad Tariang ba dei ruh kum i General Secretary ka KSU WJHDU bad President ka KSU Laskein Circle haka jingkren jong i i ong ba “Bunsien ka sorkar ka niewbeiñ ia ki nongkyndong khamtam haka pule puthi ne haki lynti syngkieng bad ha baroh ki liang, dei lyngba ka jingdon ka KSU kan sa kyrsiew thiah iaka sorkar,
Hakane ka sngi ladon lang i Rangbah shnong kane ka shnong bad lah ioh jingkren ruh bad pynsngew ruh iaka jingeh jong ka shnong haka jingshah lehbeiñ shaba palat haka sorkar ne ha ki nongmihkhmat tengteng kala poi ka jingmut jingpyrkhat jong ki nongshnong shnong wat ban mih shnong ruh nakane ka shnong namar wat tang ka kali ban iaid sha kane ka shnong ymlait, haba kjut ba shitom hap kit bad iaidkjat haduh 40 ne 50 minit haduh ban poi ha surok bah ban ioh kali, deitang ka seng KSU kaba wan iuhkjat nyngkong haka shnong jong ngi bad ngi sngewkum ban iohmynsiem biang. I da ai ruh ka kti ka diang bad kti ka mon ban ia treilang bad ka seng, bad khmih lynti baka shnong ka thaw kan kylla shisien ka sngi.
Shwa ban ioh iaka jingpynskem na i samla Shinningstar Kharbihkhiew la ioh jingkren na i Samla Rueben Najir haka jingkren jong i, i ong “Iaka KSU laseng ha u snem 1978 ha Skulbah NEHU hakatu ka por la seng tang naka bynta ki samla pule lane ban pynsuk iaki samla pule wat klas,hynrei katba dang iaid ki sngi ki por ka jingiohi jngai jong ki nongialam ba shakhmat ki iohi baka jingdonkam ka seng ymtang ha jaka pule hynrei ka donkam ha baroh ki liang khamtam naka bynta ka dawbha ka jaitbynriew bad haka an imlang ka sahlang,dei nakane ka daw ngi kwah ban ioh shnat treikam ha baroh ki kyndong kynshrot khang baka jingeh jongki paradoh parasnam kiba sah jngai ngin lah ban iarap.
Iaka bynta ba kongsan ban pyntiensmai la shimti da i samla Shinningstar Kharbihkhiew ryngkat ka sneng ka khraw i da ong ruh, Kynmoo ho samla shisien baphi ladei u dkhot ka seng,kiwei kin phaikhmat shaphi,phi dei ban long ki ba adkhar ha man briew longbriew naka kamsih kam sang,phi dei ban long ka nuksa babha shakiwei, ngim don ka spah ka phew ne tulob ban ai iaphi kum ki dkhot ka seng hynrei ngi lah ban ai tang ka mynsien ba shynrang bad mynsiem ieid ri.kyntang iawai shwa ban pynkut laioh ban aiti iaka Riti treikam jongka seng shaki KSU Madanrwai Unit da i samla Shinningstar Chyne Education Secretary KSU Laban Circle.
Ki dkhot ka KSU Madanrwai Unit kilong:-
President- Samla Sooki Biam
Vice president- Samla Big Sungoh
General Secretary- Samla Rithmu Dhar
Assistant G.S – Samla Piarshwa Shadap
Organising Secretary- Samla Laitphar Sohtun
Assistant Organising – Samla Nishwa Wan
Publicity Secretary – Samla Sma-i Sutnga
Assistant Publicity- Samla Pyrshang Wan
Office Secretary – Samla Poibaitki Sayoo
Assistant Office Secretary – Samla Raise Sungoh
Finance Secretary – Samla Warning Sayoo
Assistant Finance – Samla Bor wan
La jied ruh 13 ngut ki dkhot ka Executive Committee.
