Ka Nartiang Block Congress Committee ka la pynlong ia ka jingialang ha ka tarik 25.05.2022 ha Mission Hall Namdong naduh ka por 11.30 AM haduh 3.30PM. Ia ka jingialang la pyniaid da u President ka Nartiang Block Congress u ma Elias Susngi.
Ha ka ne ka sngi la wan ban pynshit pynshngain lang da u M.P ma V.H Pala bad la ia don lang ryngkat da ki nongialam jong ka Party na ki Constituency ba pher ba pher ba kynthup ia u bah Charles Marngar MDC Mawhati Constituency, u bah Pormi Suting-President West Jaintia Hills, u Sahep ba la shim voluntary na ka kam sorkar u bah Emlang Laloo.
Shuh shuh, la ia donlang ryngkat u bah Nehemaya Tyngkan, u bah Rikut Parien, u bah Victor Suja, u bah B.Suchiang, u bah Jest Slong bad kiwei kiwei pat ki riew khmat nongialam. Ha kane ka jingialang la pdiang sngewbha ia u ma Emlang Laloo ban long kum u dkhot ba pura jong ka seng Congress.
Kum ban shu pynkynmaw hangne, u ma Emlang Laloo, u dei u Sahep sorkar u ba peit ia ka soil Department u ba la bat kum u Joint Director bad u la shim VRS ne shim voluntary noh da ka jingthmu ban ia shim bynta noh ha ka kam synshar khadar ban wan rah ia ka roi ka par ha ka Constituency bad ha ka jylla hi baroh kawei. Ladon ruh palat spah ngut ki riewkhmat ki ba la wan ban pyniasoh noh sha ka seng Congress ki ba kynthup ia u bah Pyrkhat Pyrpet, Kishon Kharsahnoh, Lo Shallam, Phlonsing Kharsahnoh, Emlin Ramut bad kiwei kiwei de.
Ia ki nongialam bad riewkhmat ki ba dang wan rung thymmai la shim bynta ban pynskhem bad pynkup burom da u M.P badon burom ma V.H Pala. Palat Hynniew spah ngut ki nongialam na ki shnong ba pher ba pher ki la wan ban ia shim bynta lang ha ka jingialang mynta ka sngi, kane ka long katkum ka khubor bala pyllait da u ma E.G War General Secretary Nartiang Block Congress Committee.