Jowai: U Deputy Commissioner (Supply) ka West Jaiñtia Hills District, Jowai mynta ka sngi u la pynbna paitbah ba ia u bhah khaw NFSA (AAY, PHH) bad NON-NFSA kumjuh AAY bad PHH hapoh ka skim PMGKAY na ka bynta u bnai Nailur (September) jong une u snem 2021 la pyllait sha ki Wholesalers na ka bynta ban pynpoi sha man la ki F.P. Shop Center kiba don hapoh West Jaiñtia Hills District naduh ka 02 tarik u bnai Nailur 2021 haduh ka 15 tarik Nailur 2021.
Ia u khaw Antyodaya Anna Yojna (AAY) yn sam 35 kilo na ka bynta kawei ka AAY F.I.Card, ha ka dor Rs. 3/ tyngka shi Kilo ha sor bad nongkyndong.
Na ka bynta u khaw Priority House Hold (PHH) yn sam ha ka jingthew kaba 5 kilo shi khlieh haka dor Rs. 3/- tyngka shi Kilo hasor ne ha nongkyndong.
Ia u khaw Non-NFSA yn sam ha ka jingthew ka ba 7.215 kilo shi ïing ha ka dor ba la pynbeit da ka Vigilance committee, tangba ym dei ban palat ia ka dor Rs.14 tyngka shi Kilo hasor kumjuh ha nongkyndong.
Katba ia u khaw PMGKAY Antyodaya Anna Yojna (AAY) yn sam ei khlem dor kumba 5 kilo shi khlieh la ha sor ne ha nongkyndong ruh Kumjuh.
Ia u PMGKAY Priority HouseHold (PHH) ruh yn sam ei khlem dor 5 kilo shi khlieh ha sor bad ha nongkyndong. Kumta ha kaba iadei bad kane na ka liang jong u Deputy Commissioner (Supply) u la bthah ia ki Fair Price Shop Dealers ban sam pyndep ia u khaw hapoh ka 30 tarik u Nailur, 2021 da kaba pyndonkam da ka e-Pos Machine.