Ka Maitchaphrang Mootyrchiah ka la long ka lah duh ha kane ka kynti jong ka jingialehkai kaba la tip kum ka 2nd Adelbert Laloo Memorial Trophy ha ka kyrdan 3rd Division bala pyniaid da ka West Jaintia District Sports Association (WJDSA) kaba dei ruh shi bynta na ka jingrakhe jingdap 50 snem.
Ia kane ka nam lahduh ka Maitchaphrang Mootyrchiah kala ioh hadien ba ka la lah ban pynliem ia ka Khliehmuchut Shangpung da 2-1 kol ha ka jingialehkai Final kaba la long mynta ka sngi ha madan Kiang Nangbah Stadium, Jowai.
Ka jingialehkai kala long kaba iakhaid bha bad kaba la pynhun shisha ia ki nongwan peitkai. Ha ka jingiakhun ki nongthep kol jong ka Marchaprang Mootyrchiah ki long u Sanborlang Tang uba la ioh ban thep kol ha ka minit kaba 4 bad u Risanlang Dkhat ula ioh ban thep kol ha ka minit kaba 79.
Katba u nongthep kol jong ka Khliehmuchut Shangpung u dei u Arwan Phadong uba la ioh ban thep ha ka minit kaba 14.
Ia ka nam Best Goalkeeper la ioh ban rah da u Damiki Tyngkan jong ka Mookyrdup.
Ia ka nam Top Scorer la ioh da ki ar ngut kata u Dangri Phawa jong ka Madankynsaw Mookyndeng bad u Risanlang Dkhar jong ka Maitchaphrang Mootyrchiah kiba la ioh ban thep mar 8 tylli ki kol.
Ia ka nam Man of the Match la ioh rah da u Sanborlang Tang jong ka Maitchaphrang Mootyrchiah.
Katba ia ka nam Player of the Tournament pat la ioh rah da u Risanlang Dkhar jong ka Maitchaphrang Mootyrchiah.
