Ka kaiphod sorkar ba la pynmih mynta ka sngi ka kdew ba ka don ka jinghiar jong kiba don ia ka jingpang khlam Covid-19 hapoh ka jylla sha ka 4 ngut. Kane ka jinghiar ka long namar ba la don noh iwei iba la koit na kane ka jingshitom bad ine i dei na East Khasi Hills District.
Ka kaiphod mynta ka sngi ka pynpaw ruh ba ym don kiba iabit thymmai bad ym don kiba khlad na kane ka jingpang. Ka jingdon jong ki nongpang ka long 2 ngut ha East Khasi Hills District bad 2 ngut ha Ri Bhoi District.
