Mih sa ki Nongwar Jaintia ban pyrshah ia ka jingshim jubor ki Pulit ia ka jingim u bah Cheristerfield

Jowai: Mynta ka sngi ki kynhun jong ka ri War Jaiñtia kiba kynthup ia ka nongialam sengbhalang ryngkat bad kiwei ki nongialam shnong kila mih paidbah, lem bad ki lama iong ban pynpaw ka jingpyrshah bad ka jingpyrem jur halor ka jingjia shah siat iap u bah Chrishsterfield Thangkhiew ha ka kti ki Pulit ka Jylla ha ka 13 tarik u Nailar 2021.
            Mynta ka sngi la don ka jingialang paidbah ha Enowel Hall Amlarem, West Jaintia Hills Distrit bad hadien nangta pat la don ka jingiaid paidbah (rally) kaba la iashim bynta da ki paidbah ryngkat ki kali. Ha kane ka jingiaid paidbah jong ki War Jaintia ki la pynremjur ia ki Pulit ba donkti ban siat iap ia u bah C. Thangkiew, na ka liang ki nongkren ki pynpaw ruh ba kumno ia ki wei ki nonglehkam sniew ka sorkar kam lah ban kem, katba ia u bah C. Thangkiew pat ki la pynkut syndon ia ka jingim jong u.