U District Magistrate jong ka East Jaintia Hills District u A. Baranwal, IAS ula pynmih ia ka hukum da kaba bud ryntih ia ki hukum jong ka NGT ba la khang ban pynlong ia kano kano ka jingkhlong beaiñ ia ki maw lane shyiap na ki wah kiba don hapoh ka District.
Kumta ula pynmih ia ka hukum 144 CrPC ba la khang ia kane ka jingkhlong maw bad shyiap beaiñ, kumjuh la khang ia ka jingpynjulor ia ki wah na ka daw jong ka jingtihmaw ha ki sharing lum kaba pynlong ia ka jingtuid jong ka khyndew bad ki maw ki sha ki bynta jong ki wah.
Lakhang ruh ia ka jingtihpar ha ki jaka lum namar ba ka pynjot ia ki jingthung jingtep, kumjuh ka ktah ia ki tyllong um bad ia ki dohum dohpnat.
Kane ka hukum kan treikam naduh bala pynmih ia ka tad haduh ban da pynmih da kawei pat ka hukum.