Ka rynsan pyni dohksah bala pynïaid da ka Jaiñtia Body Building & Fitness Association (JBB& FA) ha ryngkat ka jingkyrshan ka Meghalaya Body Building & Fitness Association (MBB&FA) bad ka World Fitness Association (WFF) ïa kaba la tip kum ‘Mr. Ironman Amateur 2022’ ‘2nd All Meghalaya Amateur Body Building Champion’, la pynkut noh ha kane ka sngi Saitjaiñ 18 tarik u Jylliew, 2022 ha Ladthadlaboh Indoor Sports Hall, Jowai.
Ïa ka nam jop ha ka (over all) Body Building Championship la ïoh rah syndon da u Badonkupar Kharbhih na ka Body Zoo Gym, ha ka ‘Overall Men’s Physique Champion’ la ïoh da u Rohit Barua na ka Fitness First, kaba ha ka liang ki kynthei ‘Overall Women’s Champion’ la ïoh da ka Jehvera ‘Nongkynrih na ka Body zoo gym.
Haba phai sha ka jingïakhun hapoh ka 55 kgs la wan ban nyngkong da u Daman Pohktai na ka Body zoo gym, ba ar u Wanpyndapbor Lyngdoh na ka Body zoo Gym bad ba lai da u Rohit Barua na ka Muscle Master Gym. Hapoh ka 60 kgs la wan ba nyngkong da u Lalremmawia Sangma na ka The Royal Gym, ba ar u Ngeitmon Syngoh na ka Body Terrific Gym bad balai u Mervyn Warlarpih na ka Tottorium Pro Fitness Gym.
Hapoh ka 65 kgs la wan ba nyngkong da u Badon Kupar kharbhih na ka Body Zoo Gym, ba ar u Wilynder Khonglam na ka Marphalyngki Police Gym bad ba lai u Phyrnailang Siangshai na ka Body Terrific Gym
Kiba palat ïa ka 70 kgs la jop da u Raju Disiar na ka Elite Gym bad wan ba ar da u Donbok Syiem na ka Body Zoo Gym.
Ha ka liang ki khynthei ‘Women’s Fitness’ la jop da ka Jehvera Nongkynrih na ka Body zoo Gym, ba ar ka Averyl W Lanong na ka Iron House Gym bad la lai ka Genevive Pakma na ka B T 27
Ha ka Men’s Physique hapoh ka 5.4 ft la jop da u Lucky Man Kynjin na ka Fitness First, ba ar u Resnaldo Khingsit na ka B T 27 bad ba lai u Gary Masser na ka Franky Fitness Gym. Ha ka Men’s Physique 5.4 ft shneng la jop da u Rohit Barua na ka Fitness First, ba ar u Arsalan Kyndiah na ka Fitness First bad ba lai da u Bishal Kumar Sah na ka Fitorium Pro Fitness Gym.
La ïathuh ba kane ka dei ka sien ba ar hapoh ka jylla ba ka JBBFA kala pynlong biang ïa kum kane ka rynsan pyni dohksah ba la wan ban ïashim bynta da ki rang bad thei kiba la pynwan dur bha ïa ka met ka phad na kylleng ka jylla.
Ha kane ka sngi la sam ïa ki khusnam da ka kongsan kaba dei ka Chairperson Meghalaya State Women Commission ka kong Phidalia Toi, ha ryngkat u Dolloi ka Elaka Jowai ma Puramon Kynjing bad u ma Lasooki Lakiang Waheh Shnong Ladthadlaboh uba dei ruh u Chairman ka Jowai Municipal Board.
Haba ïakren bad u President ka MBB&FA samla Yoosar Kynjing ula ïathuh ba ka thong ban pynlong ïa kane ka 2nd All Meghalaya Body Building Champion, Mr. Ironman Amateur 2021 ka long shi bynta ban ai mynsiem ïa ki khun samla ka thaiñ Ri-Lum Jaiñtia ba kin mih shakhmat ban pynpaw pyrthei ïala ka met ka phat ba ki don lyngba ka jingdon kum kane ka rynsan ïakop pyni dohksah, u kyrmen ba yn dang bteng biang ïa kum kane ka tyngran hi ki snem ban wan.
