U Deputy Commissioner, East Jaintia Hills District, Khliehriat u pynmih ia ka jingbthah sha baroh ki nongshong shnong ka District da kaba pyntip ba ka khlam Covid-19 kam pat la kut duh satia, kumta ka dang donkam ia ki nongshong shnong kynthup lang ia ki khynnah kiba 12 snem ka rta ban ai ia ki tika kat kum ka dose ba la buh da ka tnad ka koit ka khiah.
U DC ula ban ruh da kaba ong ba ka jingaitika ka iarap na ka jingshah ktah jur na kane ka jingpang, ka pynlait ruh na ka jingleit thiah sha ki hospital bad ka pynduna ruh ia ka jingiap jong ki nongshong shnong.
Ki nongshong shnong kiba la noh ka rta ki dei ban shimkhia ban shim ia ka jingaitika iada (precaution dose) bad ruh ki khynnah kiba hapoh ka 18 snem ka rta ki dei ban pdiang ban shim ia kane ka jingaitika khnang ban iada ialade bad iala ka ïing ka sem
Shuh shuh ula kyntu ia baroh ban long kiba bud ryntih bha ia ki lad jingiada na u Covid.