U Deputy Commissioner (Supply), West Jaiñtia Hills ula pyntip ba la pyllait ïa u khaw rashon NFSA (AAY&PHH) bad Non- NFSA na ka bynta u bnai July 2022 bad ïa une u khaw la phah sha baroh ki Wholesaler ba kin pynpoi sha baroh ki dukan rashon (FP Shops) haduh ka 15 tarik mynta u bnai.
Na ka bynta ka bhah jong u khaw Antyodaya Anna Yojna (AAY) yn sam ha ka jingthew kaba 35 kg kawei ka AAY FI Card ha ka dor Rs.3/- shi kg na ka bynta ha sor bad nongkyndong.
Ka bhah jong u khaw Priority Household (PHH) yn sam ha ka jingthew kaba 5 kg shi khlieh briew ha ka dor Rs.3/- shi kg na ka bynta ha sor bad ha nongkyndong.
Na ka bynta ka bhah jong u khaw Non-NFSA yn sam ha ka jingthew kaba 7.215 kg shi ïing ha ka dor ba la buh da ka Vigilance Committee ka bym dei ban tam ïa ka Rs.14/- shi kilo la ha sor ne nongkyndong.
Ka bhah jong u khaw PMGKAY Antyodaya Anna Yojna (AAY) yn sam ha ka jingthew kaba 5 kg shi khlieh briew shi bnai khlem donkam jingsiew ha sor bad ha nongkyndong.
U khaw PMGKAY Priority Household (PHH) yn sam ha ka jingthew kaba 5 kg shi khlieh briew shi bnai ïa une u khaw ruh ym donkam ban siew dor la ha sor ne ha nongkyndong.