Ka ‘Dem Khla’ kawei na ki jaka kaba itynnad bad ithiang bha kaba don ha shnong Mutong ha East Jaiñtia Hills District, katkum ka jingïathuh u wei na ki rangbah ka thaiñ u ma Helping Phawa, Wahehshnong ba rim jong ka shnong Mutong, u ong ba kane ka dei ka jaka kaba ki Khla ki ju wan shnong thait ha ki por hyndai.
Ka jingdon kine ki jaka ba itynnad kan iarap ruh ban kyntiew ïa ka shnong Mutong ha ka kam jngohkai pyrthei, nalor ba baroh ki tip ba ka shnong Mutong ka dei kawei na ki jaka jngohkai pyrthei ha East Jaintia Hills District namar ka jingdon ka Kshaid Moopun bad ka Jingkieng Maw (Natural Stone Bridge-U maw uba pun jingkieng na shiliang sha shiliang ka wah).
