Pynkup burom ka North Liberty HSS ia ki samla pule ba wan shakhmat ha ka Exam MBOSE

Jowai: Ka North Liberty Higher Secondary School, Jowai mynta ka sngi kala pynlong ia jingialang pynkup burom ia kito ki samla pule kiba la wan sha khmat ha ka risot kaba dang shu dep pynmih shen da ka MBOSE ha ka SSLC bad.

Ki bor pyniaid jong katei ka jaka pule kila pynlong da ka prokram pynkup burom ia kitei ki samla pule SSLC da ki BYJU’S Tablet kaba long kawei na ki lad jingiarap ia kitei ki samla ba kin ioh ban pyndonkam na ka bynta ban wad jingtip ha kaba iadei bad ka jingbteng jong ki ha ka pule ka puthi.

Na ka liang u Principal ka skul ma Richard B. Uriah ula ai ka jingkit bok kitrwiang ia kitei ki samla pule ba kin nang iaikiew shaphrang ha ka jingpule, khnang ba kin long ki lawei ba phyrnia jong ka Ri bad ka Jaitbynriew.

Ki samla pule ka North Liberty Higher Secondary School, Jowai kiba la shah pynkup burom ki kynthup ïa u samla Luigi Dalian Pasweth (Science Stream-HSSLC) ula wan ha ka kyrdan ba lai (3^rd Position), ha ka SSLC ki long u Jayden Magni Pde ula poi ha ka kyrdan 14^th Position, ka Daffodil Langstang kaba la wan ha ka kyrdan ba 16^th Position, kumjuh ia u samla Wanteibok Pator ula rung ha ka kyrdan ba 2^nd Position na ka Saw-Lyngdoh Higher Secondary School, Mowkaiaw bad ka Marvellous Shabong na ka St. Joseph’s Girld HS School, Shillong ha ka kyrdan 15 kiba la wan ban bteng ia ka jingpule ha NLHSS.

Ha kane ka sngi la wan ban ia synranlang ia kitei ki samla pule ba la shah pynkup burom da  ki kmie ki kpa ha ryngkat ki nonghikai jong katei ka skul.