Ka HITO sengkmie mynta ka sngi ka 9 tarik Naitung 2022 ka la pynskhem iaka HITO West Jaintia Hills District ha ka jingialang kaba la long ha Tyrchi Inn Conference Hall.
Ia ka jingialang la pyniaid u Preciousmi Shylla bad la ioh ka jingkren pdiang sngewbha bad mait phang na u President East Jaintia Hills u Deibormi Rymbai, ka jingsneng kyntu kynpham na u Secretary ka sengkmie u bah Wanbun N Dkhar ryngkat ka jingiadon lang u Assistant Finance ka sengkmie Ebor Paslein bad la ioh ka jingpynshai iaki mat treikam ka seng la batai da u President Rangbah ka seng u samla Donbok Dkhar.
Ki nongkitkam ka West Jaintia Hills District ki long kumne harum: President Pynbiang Rymbai, Vice-President Overfive Biam, Secretary Cresene Ksoo, Joint Secretary Herbert Bhoi, Organising Secretary Rimiki Lathong, Publicity Secretary Yomiki Passah, Agriculture Secretary Remdor Lyngdoh, Finance Secretary Wanbiang Pulang, Assistant Finance Secretary Barister Shylla, Secretary Pynhun chullet bad 45 ngut ki Executive member.
Kum ban shu pynkynmaw ba u President ka West Jaintia uba bat mynshwa kum u President ka Niawwasa Youth Federation hadien ba u la ieh noh kam kum u President ka NWYF Central Body bad pyniasoh shaka HITO la 9 bnai bad katkum ka riti treikam ka HITO ba uno uno uba mih na kiwei pat ki seng yn hap ban pyniasoh bad ka HITO 6 bnai haduh ba yn lah ban bat kam hapoh ka seng bad u Pynbiang ula pyndep bad la don bynta bad ka HITO la 9 bnai haduh ba un ioh bat kum u President ka West Jaintia Hills District.