Mynta ka sngi na ka liang ka Hynñiewtrep Integrated Territorial Organisation (HITO),Saphai Area ha ka jingialam u President ka seng u Pynhun Shulet ryngkat bad u Secretary ka seng Melki Dhar ki la leit khmih bad jurip biang ia ka PHC Iooksi bad ka Saphai Sub-centre ha ka jing iadon lang u District Medical and Health Officer (DM&HO), West Jaintia ryngkat bad u rangbah shnong ka Saphai u bah Valentine Gino Synnah.
Ha kane ka jingjurip ka Seng kala ioh ban ia kren ia i ANM ba trei ha ka tei ka Sub Centre bad i la pyn sngew ia shibun ki jingeh bad jingduna ba don hapoh kane ka Sub Centre, na ka liang ka seng ka la dawa na u DM&HO ban pynbiang ia ki jingduna hapoh ka Sub Centre naduh ka light, ka Um, ka miej, Shuki, bad ka Filter um na ka bynta ki paitbah ka jaka sah na bynta ki staff, ka ANM ba pura, ban repair ruh ia kane ka Sub Centre bad ki wei de, bad na ka liang jong u DM&HO ruh u la kular ia ka Seng ba un shim khia ban pynbiang ia kine ki jingdonkam hapoh kitei ki jaka ai jing sumar.
Ka seng ka la dep ban ai jingthoh ruh sha u DM&HO naduh ka 01/02/2022 hynrei haduh mynta ym pat don kawei ruh ba urlong bad ka seng ka la dep ban bud dien biang ia ki jing donkam haka 12/07/2022 bad naka liang u DM&HO u la kular ban leit khmih hi dala ki jong ki khmat ban iohi ia ki jingduna hapoh kane ka Sub Centre, katba hapoh ka Iooksi PHC pat kumban shu pynkynmaw ba la don ba urlong kum ka Ambulance bad ki wei, ki ba sah teng ruh dang don sa katto katne.
Na ka liang ka seng ka kyrpad na ka sorkar ba kan shimkhia ia ki jingdawa jong ka seng hapoh kine ki 2 tylli ki jaka sumar khnang ba ki briew ba sah sha ki ne ki thaiñ kin ioh jingmyntoi namar ka jingkoit jing khiah ka long kaba kongsan tam ha ka jingim. Ka jing shimkhia ka sorkar kan long ka jingkyrkhu ia baroh.