Ka All Jaintia Muster Roll Worker & Labour Union (AJMW&LU) ryngkat ka All Jaintia Midday Meal Worker Union (AJDMWU) hynnin ka sngi kila pynlong ia ka prokram ban pynsngewhuh paidbah ha shnong Nartiang bad ha Jowai, ha kaba la wan ban ïashim bynta da kiba nongtrei bylla sngi ha ki kam bapher bapaher.
Na ka liang ka seng kala buh ïa kane ka thong kaba ong “Lehbha katni, u Kune i, Ya Ka Mynstep: Ioh ka Mynrried u Chngain, Patein u Kyllep u Sdep”.
Ha Shnong Nartiang la ai ia ka jingbatai sha ki nongtrei bylla sngi da ka kong Dayoowanphi Iakai, President AJMW&LU-CEC, kumjuh na u ma Khroo Lamsalanki Pariat, Adviser AJMW&LU & AJMDMWU, ka Marioo Symblai, Executive Member, ka Bhalang Pamthied, Asst. General Secretary AJMW&LU, Amlarem Block bad u Dapherborn N. Suchiang, General secretary, AJMW&LU-CEC, katba na ka ophis jong ka Labour Department la wan mihkhmat da ka kong Bethcy Merry Toi, Labour Inspector WJHD kaba la pynsngew shaphang ki lad jingiarap kiba wan na ka sorkar.
Katba ha Jowai ia ka jingialang la pynlong ha Dorbar Hall ka Dulong hapoh ka jingpyniaid u ma Phrangsngi Sutnga, President AJMW&LU, Jowai Unit bad la ioh ki jingbatai bniah na ki dkhot ka AJMW&LU CEC, ka kong Bethcy Merry Toi, Labour Inspector WJHD nalor kiwei de.
Ka thong jong kane ka prokram pynsngewthuh ka long ban wanrah ia ka rukom pyrkhat kaba khuid ba suba bad ban pynrung ha ki jingmut jingpyrkhat ki nongtrei bylla sngi ban wanrah ia ka synshar khaddar kaba hok hapoh ka District ka jylla bad ka ri baroh kawei.
Ha kane ka sngi la pule ruh ia ka Soskular (Pledge) hapoh ka jingïalam u Dapherborn N.Suchiang, General secretary, AJMW&LU-CEC.
