Ki MP jong ka party All India Trinamool Congress (AITC) kiba don ha Lok Sabha bad Rajya Sabha ryngkat lang bad ki MLA ka Trinamool Congress (TMC) napoh ka jylla Meghalaya kila ia ieng paidbah ha khmat jong ka Parliament kaba don ha Vijay Chowk ha nongbah New Delhi mynta ka sngi naduh ka por 10:15 AM ban daw ia ki mat kiba iadei bad ka jylla Meghalaya.
Ka jingdawa ka kynthup ia ka jingpynrung ia ka ktien Khasi bad Garo hapoh ka Eight Schedule jong ka riti synshar ka ri India bad kaba ar ka long halor ka kam pud kam sam hapdeng ka jylla Meghalaya bad Assam.
Ia ka kynhun jong ki MLA na Meghalaya la lamkhmat da u Dr. Mukul Sangma.