Ka ophis jong ka Public Health Engineering (PHE), RWS Division Jowai, ha ka jingïatreilang bad ka ophis u District Sports Officer, West Jaintia Hills District, kan pynlong ïa ka jingmareh marathon kaba tip kum ka “Rajya Jal Utsav 2026-28” kaba 10/5 Kms ha West Jaintia Hills District ha ka 29 tarik Nailar, 2026, na ka bynta ki shynrang bad ki kynthei ha ka open category.
Ka jingmareh marathon na ka bynta ki shynrang kan sdang na Treiongriang Junction bad kan ïaid lyngba New Amlarem Bypass Road–Khliehturiem Junction–Myntdu–Riatsiatsim Bypass–Amlarem Stand–Mynthong Road bad kan kut ha Jrisalein Playground, kaba jngai 10 km.
Na ka bynta ki kynthei, ka jingïamareh kan sdang na Khliehturiem Junction–Myntdu–Riatsiatsim Bypass–Amlarem Stand–Mynthong Road bad kan kut ha Jrisalein Playground, kaba jngai 5 km. Ka jingïaleh kan sdang ha ka por 6 baje mynstep. Ka spot registration na bynta baroh ki nongïashim bynta kan long ha ki jaka sdang jong ka jingïaleh naduh ka por 5 baje haduh 5:30 baje mynstep.
Ka ophis PHE-RWS Division Jowai ka khot sngewbha ïa baroh kiba don ka jingsngewtynnad bad kiba dei na West Jaintia Hills District ban wan ïashim bynta ha kane ka jingïamareh.
Ia ka khusnam ba nyngkong yn sam da ka pisa shiphew hajar (10,000/-) tyngka, ba wan ba-ar Hynñiew hajar san spah tyngka (7,500/-) bad ba wan ba-lai San hajar (5,000/-) tyngka.
Ïa kane la pyntip da u ma S. Najiar, Executive Engineer (PHE) uba long ruh u Member Secretary, DWSM, West Jaintia Hills District.