Mynta ka step pyrngap jong ka sngi Saitjaiñ ha ka por kumba 4:58 u jumai ba khlaiñbor uba don ia ka jingthew kaba 7.7. ritcher scale ula lynshop ia ki bynta ba shaphang mihngi jong ka ri Indonesia.
Ha kane ka jingkhynñiuh jumai kila don 20 ngut ki briew kila duh ei ia la ka jingim, bad bun ki jingtei kumjuh ki iing ki sem kila khyllem bad julor. Ka khubor sorkar kala iathuh shuh shuh ba kane ka jingwan jong u jumai ka lah ban wanrah ia ka jingatphyllung kaba jur.
La iathuh ba haduh mynta ka step kala don ka jingatphyllung jong ka duriaw (Tsunami) kaba la kiew haduh 1 metre lane 3 phut kaba la lynshop ha kiba bun ki bynta jong ka ri Indonesia.
Na ka liang ki bor sorkar ka Indonesia kila phah ia ki lad jingiarap bad ki kynhun pyllait im sha ki jaka ba shah ktah jur kane ka jingkhynñiuh jumai.